• slider4
  • slider 2
  • slider5
  • slider 1

ფარმაცევტული პროდუქტის რეალიზატორების საყურადღებოდ!!! „მყისიერი შეტყობინება“ ფალსიფიცირებული ფარმაცევტული პროდუქტის შესახებ!

29 აგვისტო, 2017

SF (substandard/falsified) სამკურნალო საშუალებების ზედამხედველობისა და მონიტორინგის პროგრამის ფარგლებში სააგენტოში შემოსულია „მყისიერი შეტყობინება“ (Ref. RHT/SAV/Alert 3.2017) უგანდაში დაფიქსირებული 2 დასახელების ფალსიფიცირებული სამკურნალო საშუალების თაობაზე, კერძოდ:

2017 წლის ივლისის თვეში, უგანდას წამლის ეროვნული მარეგულირებელი ორგანოს მიერ ამოღებული იქნა შემდეგი დასახელების ფარმაცევტული პროდუქტის ფალსიფიცირებული ვერსიები: Avastin (bevacizumab) და Sutent (sunitinib malate). ორიგინალი მწარმოებლების მიერ დადასტურდა, რომ აღნიშნული ფარმაცევტული პროდუქტი არ არის მათ მიერ წარმოებული.

„მყისიერი შეტყობინების“ თანახმად, ფალსიფიცირებული ფარმაცევტული პროდუქტის დეტალებია:

1. Avastin (Bevacizumab) 400mg

დასახელება - Avastin, სერია - NC 1060, ვარგისობის ვადა - 02-2019, შეფუთვაზე დატანილი აქტიური ნივთიერება - Bevacizumab, შეფუთვაზე დატანილი მწარმოებელი - Astrazeneca/AstraZenaca.

„Avastin”-ი წარმოადგენს კომპანია „Roche/Genentech“-ის მიერ წარმოებული ფარმაცევტული პროდუქტის სავაჭრო დასახელებას და გამოიყენება სხვადასხვა ონკოლოგიური დაავადებების სამკურნალოდ. აღნიშნული სამკურნალო საშუალება არ არის წარმოებული ფალსიფიცირებული ვერსიის შეფუთვაზე დატანილი კომპანია „AstraZeneca”-ს მიერ.

„Avastin”-ის ფალსიფიცირებული ვერსია წარმოდგენილია ლურჯი/ნაცრისფერი ტაბლეტების სახით პლასტმასის ბოთლში, მაშინ როდესაც ორიგინალი ვერსიის წამლის ფორმაა მხოლოდ საინექციო ხსნარი ინტრავენური გამოყენებისთვის.

2.Sutent (sunitinib malate) 12.5mg

დასახელება - Sutent, სერია - NC 2001, ვარგისობის ვადა - 02-2019, შეფუთვაზე დატანილი აქტიური ნივთიერება - sunitinib malate, შეფუთვაზე დატანილი მწარმოებელი - Astrazeneca/AstraZenaca.

„Sutent”-ი წარმოადგენს კომპანია „Pfizer“-ის მიერ წარმოებული ფარმაცევტული პროდუქტის სავაჭრო დასახელებას და გამოიყენება პანკრეასის ონკოლოგიური დაავადებების სამკურნალოდ. აღნიშნული სამკურნალო საშუალება არ არის წარმოებული ფალსიფიცირებული ვერსიის შეფუთვაზე დატანილი კომპანია „AstraZeneca”-ს მიერ.

„Sutent”-ის ფალსიფიცირებული ვერსია წარმოდგენილია ლურჯი/ნარცრისფერი ტაბლეტების სახით პლასტმასის ბოთლში, მაშინ როდესაც ორიგინალი ვერსიის წამლის ფორმაა მხოლოდ ჟელატინის კაფსულები.

ჯანმრთელობის მსოფლიო ორგანიზაცია მოუწოდებს სიფრთხილის ზომების გაზრდისკენ იმ ქვეყნების სადისტრიბუციო ჯაჭვში, რომლებშიც შესაძლოა დაფიქსირდეს აღნიშნული ფალსიფიცირებული ფარმაცევტული პროდუქტის მიმოქცევა. ასევე, გაზრდილი სიფრთხილის ზომები უნდა გავრცელდეს სამედიცინო დაწესებულებების, აფთიაქების, ფარმაცევტული პროდუქტის საბითუმო რეალიზატორების და ფარმაცევტული პროდუქტის სხვა მიმწოდებლების მიმართ.

შემოსავლების სამსახურიდან მოწოდებული ინფორმაციით, საქართველოში, 2014-2017 წლებში, ზემოაღნიშნული სერიის და მწარმოებლის მქონე ფარმაცევტული პროდუქტი „Avastin” და „Sutent” იმპორტი არ განხორციელებულა.

„მყისიერი შეტყობინების“ თანახმად, აუცილებელია, რომ ფარმაცევტული პროდუქტი მიღებული იქნას აუთენტური და სანდო წყაროდან, რაც უნდა გადამოწმდეს სამკურნალო საშუალებების მოწოდებამდე.

იხილეთ ფალსიფიცირებული ფარმაცევტული პროდუქტის ფოტომასალა.

სააგენტო მიმართავს ფარმაცევტულ დაწესებულებებს (ფარმაცევტული პროდუქტის ყველა რეალიზატორს), აღნიშნული სამკურნალო საშუალებების აღმოჩენის შემთხვევაში, შეწყვიტოთ რეალიზაცია და დაუყვნებლივ აცნობოთ სააგენტოს. მისამართი:

ქ. თბილისი, აკ. წერეთლის გამზირი N144.

regagency@moh.gov.ge

© 2012 - 2017 სსიპ "სამედიცინო საქმიანობის სახელმწიფო
რეგულირების სააგენტო" - ყველა უფლება დაცულია
Created by Artmedia